ГӏалгӀай мехка, бюджета доккха къоал дарах, йоал яккхара балха тӀара инспектор лаьцав
Россе тохкама комитета, тохкамо урхаллено, ГӏалгӀайче гӀолла йолча УФСБ болхошца цхьана, цхьаькха мехка йоал яккхара балха инспектор лаьцав, цо ший болх нийса цалелабарах дегабуам беш, из саг бахьан долаш 130 миллион сом совгӀа зе хиларах паччахьалкхенна.
Хьалха уголовни гӀулакх хьадийлладар йоал яккхара балха даькъ тӀарча шин инспектора духьала, цар 2020 шергара 2022 шерга кхаччалца, «Йоал» яхача автоматизированни система чу, камеральни тӀахьожама болх дӀабихьа хиларах, цига кхоачамбоацараш нийсденна цахиларах дола юридически цхьацца болча нахах дола хоамаш харцахьа яздаьд. Тохкамхошта гучадаьккхар, из хоам нийса боацилга царна ховш хиннилга. Из бахьан долаш федеральни бюджета лоарххӀаме зе хилар.
Хьалаьцар, хоамо яхачох, республикан йоала гӀулакха камеральни тӀахьожама отдела кулгалхочун заместитель хиннав. Магас кхален судо из лаьца чувеллар, 2025 шера кӀимарса бетта 29 денга кхаччалца. Укх деношка из бехке веш хилар хьакхайкадергда.
Тохкама болх дӀахо дӀахьош ба, лоткъам эцара долча Ӏаьдала болхлоша лаьрхӀад бехке мел бараш бехктокхаме оза, яхаш, белгалдир кхале гӀолла йолча СКР СУ.
