ГӏалгӀай мохк агара юкъ Илдарха-ГӀалий тӀа хиннай
Хоамо ма аллара, маьцхали бетта 29 дийнахьа 20 сахьат 55 минот Московски ха яьлча, ГӏалгӀай Республике мохк аьгар, 3.1 балл йолаш. Цох бола хоам кхаьчар ГӏалгӀай Республике гӀолла йолча Россе МЧСа керттерча Урхаллене ха тӀа хиннача тоабана, из хьакхайкабир «Российски академе лаьттан хьалаш тохкача ЦаӀ долча гӀулакха» Къилбаседа-Хӏирий Ӏилма-тохкама ФГБУ филиала ха тӀа хиннача болхлочо. Мохк агара юкъ Илдарха-Гӏалий тӀа хиннай, кӀоаргал 15 километр йолаш.
Кхы чӀоагӀа доацаш, лаьтта агара хьал хоаделар ГӏалгӀайчен доазон тӀа, бакъда ГӏалгӀай Республике гӀолла йолча Россе МЧС Керттерча урхаллене бахархошкара хоам хиланзар цох лаьца, венна саг вац, иштта цӀенош хаьрца моттиг яц.
«Карарча хана еррига вахара Ӏалашон моттигаш шоаш массахана беш хинна болх дӀахьош я. ВӏашагӀбеллаб ЦаӀ йолча ха дара-диспетчерске болх (ЕДДС), республикан доал деча даькъца цхьана», - аьлар ГӏалгӀай Республике гӀолла йолча МЧС ГУ зарбан-болх лелабераша «Сердало» газетага. 3.1 балл чӀоагӀал йолаш мохк агар кхераме лоархӀаш дац.
