Мехкарча ишкола кулгалхочун гӏончас лелабаь тийшаболх гучабаьлар
27.11.2025 09:49
Заьзгакъонгий-Юртарча ишкола кулгалхочун 60 шу даьннача гӏончан гӏулакх тохкаш ба Магӏалбикерча суде. 500 эзар сом совгӏа долча ахчанца бувзабенна тийшаболх цо лелабаьлга гучадаьннад ӏаьдала.
«Сердалога» из хоам тохкама комитето бир. Тохкама болхлоша белгалдечох, ишколерча табелашца хувцамаш деш, вӏалла балха ца хиннача слесара-сантехника алапи хьаяздайташ, из шийна хьаийдеш хиннад цо.
500 эзар сом совгӏа зе да цо дешарани ӏилмани гӏулакхех йолча министерствонна даьр.
Деррига ахча меттаоттадаьд цо. Цӏагӏа вагӏаш такха езаш, кхо шу ха техар цунна судо.
