ГӏалгӀай мехка доломит оала кхера боаккха моттиг болх бе йолаелар
15.04.2025 16:57
ГӏалгӀайчен Жӏайрахьа кхале «Фуртогский-2» кхера боаккха моттиг хьайийллар, из доломит оала кхера баккхара тешшаме «хьаст» хургба моттигерча гӀишлонхошта.
9 гектар долча лаьттан тӀа цун кхоачам ба 1,8 млн куб. м цо мехка гӀишлон материалашца дукхача шерашка кхоачам лоаттабергба.
Белгалдаккха лов, из проект дӀайолайир меценат Гуцаранаькъан Микаил бахьан долаш.
«ГӏалгӀайчен гӀалаш вай даьша еш хиннай моттигерча кхерах. Вай йолаш я доломит оала кхера боаккха моттиг, из кхыча регионашкара ба безаш хӀама дац - вай таро я из воай мехкара хьа а боаккхаш, эшача хьашташта дӀабохийташ лелабе», - аьлар ГӏалгӀайчен Кулгалхочо Келаматанаькъан Махьмуд-Ӏаьлас.
