Гӏалгӏай мехка уголовни гӏулакх дӏадоладир ООО кулгалхочун духьала, цо йоал ялара гӏулакх «лечкъадарах»
07.07.2026 14:08
Илдарха-Гӏалий тӏагӏолла йолча СКР тохкамхоша уголовни гӏулакх хьадийллар, моттигерча компане керттерча кулгалхочун духьала. Из бехке ву йоал ца яла гӏерташ, цо доккхий ахчаш къайладахьарах РФ УК (1д. 199.2 ст.). Цох «Сердало» газетага хоам бир моттигерча тохкама урхаллене.
«Тохкама балхо хьагойтачох, 2025 шера маьцхали беттагара 2026 шера тушола беттага кхаччалца; йоал, страховой взносаш дӏаяла езаш а волаш, шийца бувзам лелабеча организацена ахча дӏаухийташ хиннав из, йоал ца ялар духьа. Цу тайпара 6 000 000 сом совгӏа ахча къайладихьар, цу тӏера йоал ца луш», - аьлар тхога хоам баьчо.
Карарча хана уголовни гӏулакх дӏахьош да, деррига даь зулам гучадоаккхаш тохкама болх дӏахохьош ба.
