Сурхотӏе - Алхасте яха никъ тоабаь боалаш латт
10.12.2025 10:58
Наькъий гӏулакхех йолча министерстве белгалдечох, Сурхотӏе-Алхасте яха 12 км бола никъ тоабаь бала боалл.
Тоабаь никъ 10 метрага кхоачаш шера хургба. Никъ тоабеш бола болх дӏаболабе отталехь, наькъа кӏалгӏолла йода 13 хин турба тоайир цар. Наькъашкара бокъонаш белгалъеш йола гӏармаш дӏачӏоагӏъяь, новкъа басарашца къоастам бергба болхлоша.
Вахарера моттигаш меттайоалаярах йолча къаман проектага гӏолла дӏахьош ба из лоархӏаме болх.
