Гӏалгӏай мехка тоабаь баьлар 22 наькъах 17 никъ
Гӏалгӏайче дӏайихьар Паччахьалкхен яьржа кхетаче, республикан Кулгалхочо Келаматанаькъан Махьмуд-ӏаьлас кулгал деш. Дувца оттадаь дош дар вахара-экономически лостамагӏа мохк дегӏабоалабар, цу юкъе наькъаш хьадар а долаш.
Къаьстта терко тӏаяхийтар карарча шера ийс бетта баьча балха. Кхетаче дӏахьош белгалдир, 2025 шера хьае лаьрхӏа хиннача 22 моттигах 17 хьаяь яьнна хилара. Республикан Кулгалхочо лоархӏамеча проектах дийцар:
«Къаьстта терко тӏаяхийта лов «Горагорск-Шолже» 30 км бӏаьха бола машина никъ тоабара; иштта Шолжа, Магӏалбика, Наьсарен кхаленашта тӏадолхаш дола 15 км наькъаш. Уж моттигаш я «Юртара доазонаш массайолча оагӏорахьара дегӏадоаладар» яхача федеральни программа чуйоагӏаш.
Иштта «Вахара хьалаш» яхача къаман проекта 12 моттигах 9 кхоачашъяьй. Из я 85% шера йолча плана тӏара.
Йистедаьхар керттерча даькъ тӏара балхаш, цу юкъе наькъаш «Наьсаре-Юкъера Ачалкхе», Илдарха-Гӏала-Яндаре»; иштта Шолженна, Эбарга-Юрта, Соагӏапченна, Илдарха-Гӏаланна тӏадодлха наькъаш.
Йистебоалаш ба цӏенхаштта тоадара болх Илдарха-Гӏалан тӏаь тӏа, «Сурхотӏе-Алхасте» наькъаш тӏа, Магӏалбика Нурадилова урам тӏа.
Кердадаьккхад Ачалкхера тӏий, наькъаш «Шолже-Горагорск-Магӏалбик», иштта «Наьсаре-Терек-Долакха-Юрт».
Белгалду, ер шу чакхдалале, тоаде дезаш да 100 км наькъаш. Хьатӏадоагӏача шера де дезар а хьакъоастадаьд, цу юкъе республикан кхалешкара тӏаьш тоадар а, иштта машений наькъаш тоадар а долаш.
