Хий дӀаухаргдолаш кхо турба йиллар цига, кӀалхара кӀийле дикка тоаеш, шозза асфальт биллар. Цул совгӀа, 2 км гӀашлой никъ тоабир, наькъа гонахьара доазув белгалдир, керда гӀармаш оттаяь, басарашца къоастам бир наькъа юкъе. Ши шу дар из болх дӀахьош латта.

Дикка телха никъ боаггӀача боараме тоабе беза, аьнна, соцам бир хьакимаша. Машинашта, иштта гӀаш леларашта паргӀата боацаш хинна из никъ тахан кердача куца тӀа боалабаь, гӀадвугаш ба. Республикера машина наькъаш тоадара тӀехьа кхеллача моттигерча программага гӀолла чакхбаьккхар из лоархӀаме болх.