Йистебаьннаб «Турпалхочун никъ» яхача программан хьахоржа бӀал
ГӏалгӀай мехка йистеяьлар «Турпалхочун никъ» яхача программанна чуйоагӀаш йола аргӀанара ха, цига хоржаш бар СВО начӀал дола доакъашхой, дӀахо уж балхаш тӀа хьожабара. 150 совгӀа саг вар цига дакъа лоацаш, яхаш, дийцар ГӏалгӀай республикан Кулгалхочун, Паччахьалкхен зарбан болх лелабераша.
Хӏанз республике дӀайолаеннай шоллагӀа йола чакхбалара ха, из хургья кхаь дийнахьа, йистеяргья бекарга бетта 6-ча дийнахьа. Доакъашхой чакхбала безаш ба хьалхашка оттадаьча декхарех, уйла е хар, хьалхашка латта хьал довзаш хилар, халонашта сатохар, кулгал де хар, хӀамах кхеташ хилар да цу юкъе чудоагӀаш.
«Дика хет, СВО турпалхошта, ветеранашта юкъе шоай таронашка хьажа ловраш, керда декхараш кхоачашде безам бараш дукха болаш», - аьлар хьалхара цу балха дакъа чакхдоалаш ГӏалгӀайчен кулгалхочо Келаматанаькъан Махьмуд-Ӏаьлас.
