Кхалсага новкъостал дир, тӀа дá цахиларах луш дола пенси хьаэца
Сага бокъонех волча викала фусаме техкар, Магасе яхаш йолча кхалсага лоткъам. Из бувзабенна бар, тӀа дá воацаш хиларах луш дола пенси соцадарца, яхаш, дийцар «Сердало» газетага ГӏалгӀай Республике гӀолла йолча УПЧ.
Из гӀулакх тохкаш, УПЧ болхлоша хьалъайдир ахча соцадаь хилара дош. Из кхалсаг, пхе бетта ахча хьа ца луш, яьгӀай.
«Тохкама болх дӀахьоча юкъа, ганзо юха а, каьхаташ нийса дий хьожаш, болх дӀабихьар, тӀехьара тӀа ГӏалгӀай республике гӀолла долча СФР даькъе, цунна электронни хьисапе ахча хьадайтá каьхаташ а нийса дий хьежар.
Цу тайпара, тӀа дá цахиларах дезала доагӀаш дола пенси 03.03.2024 шера 7 эзар 153 сом да. ХӀаьта 01.04.2024 шера денз, ахча дезденна хилар а дӀалаьрхӀача, 7 эзар 689 сом да.
Цул совгӀа, 03.03. 2024 шера денз, оттадаьд федеральни социальни СПК гӀолла пенсена тӀакхеташ 5 эзар 968 сом хилар., хӀаьта 01.04.2024 шера денз, из да 5 эзар 431 сом.
ПК гӀолла федеральни социальни пенсена тӀакхетар а долаш, 03.03. 2024 шера денз 30.09.2024 шерга кхаччалца тӀакхеташ дар а дӀалоархӀаш, цу кхалсага ахча хьалургда карарча шера ардара бетта»,-аьлар УПЧ.
