Юрташкара наькъаш тоадеш ба бахархой
19.02.2024 10:37
Даьла духьа, аьнна, нигат даь арабаьнна, юрташкарча наькъашкара кӀоагаш дӀадукъаш, кулг тохаш ба бахархой.
«Буро кӀалхарча Кхоартой цӀерах болча урам тӀа къахьегаш боахк бахархой».
Дукха машинаш лелаш, лоархӀамечарех никъ ба из, цунга хьежжа, наькъашкара кӀоагаш хало еш да дуккханешта», - йоах тха газетага бенача хоамо. Никъ тоабар Даьла раьза хургволча гӀулакхех да.
Цу юрта вахача ЦӀунтолганаькъан Вахас ший вешийца камазаца бена жагӀа боассабир никъ бехача. Наха новкъарле еш хинна новкъа мел дола кӀоагаш дӀадикъар. Ший ха тӀакхаьчача, цу гӀулакхах бехктокхамеча наха, боккха болх дӀахьош, тоабе безарех ба из никъ.
