«ГӀалгӀайче боккха болам дӀаболабаьб, деза Ид - аль-Фитр бусалба наьха цӀайца дувзаденна денош долаш. Цун хьалхара ди пӀаьраска дийнахьа нийсделар.

Доакъашхой, Ӏуйрийна денз болх дӀаболабаь, къахьегаш ба. Цу моттигашка хӀара юртара бехктокхаме вола цхьацца викал ва, уж кхачан тӀормигаш тахан дӀалургда бахархошта. Уж кийчдераш кагирхой политикан, туризма Министерствон лоӀамхой ба, шоай тароний центраца цхьана», - йоах хоамо.

«Тахан дӀадоладеннад республикан кулгалхочо Макшарипа Махьмуд-Ӏаьлас хьалхадаккхарах дӀахьош болча болама хьалхара ди. Цо чулоацаргья еррига ГӀалгӀайчен юрташ, цу юкъе Пригородни кхале а йолаш. Вайна ховш да, таро йоацаш бола дезал дукха болга, цудухьа вӀаштӀехьадоала новкъостал де хьож. Иштта цу болама юстара битабац СВО доакъашхой дезал, цар гаргара нах; царна а дулх, хьоар, шекар, хурмаш, генарий даьтта, чай, дуга лургда», - аьлар паччахьалкхен кулгалхочун гӀонча волxа Йовлой Мухьмада.