Дувца оттадаь керттера дош полиомиелит яхача вируса духьала тоха дезача маьхашца дувзаденна дар. Шолжа-Шахьарерча района кулгалдеш волча Татенаькъан Ӏийсас белгалдир, тахан уж маьхий ханнахьа тохаш чакхбалар мел лоархӀаме да берий могашала.

Из гӀулакх иштта ледара дита йиш йоацилгах, из хала лазар даржаргдоацаш эггара хьалха де дезар ханнахьа маьхий тохар долгах, берий ноаной дӀакхетабеш болх дӀакхахьа беза аьлар цо.

«Къаман календарага диллача а, инфекционни оала лазараш вайна юкъе ца даржийтара духьала лоаттабу къовсам маьхий тохар ба. Уж тоха дезац аьнна хеташ болча нахаца, ма дарра цу гӀулакхах, отта тарлуча унзарча хьалах, уж дӀакхетабеш, къамаьл де деза», — белгалдир Татенаькъан Ӏийсас.