ГIалгIайче, наькъа йистошка нувхаш Iоувттаярах, таIазар дергда
В городе Назрани Ингушетии создадут дополнительные площадки для сбора ТБО, а безответственных горожан, оставляющих мусор вдоль дорог, будут штрафовать, сообщили в пресс-службе мэрии.
«Шахьара доазув цIендара, цига лостам бара болх, дIаболабаьб лаьрххIа йола техника а, иштта болхлой а юкъебаьха.
Цхьабакъда, из гIулакх овлангара хувца дезаш да. Укх дукхача шерашка Кхоартой ураме бахача наха, никъ дIалоацаш, нувхаш хьаараувттаю. Администраце болхлоша дIааларах, хувцалуш хIама дац. Из кхоачамбоацар юстара даккхара, массанахьа хIама гойташ йола камераш оттаяьй мэре болхлоша. Нувхаш Iокхувсаш йолча машений номераш тIайола каьхат а дIадахьийтад МВД. Укх бIарччача бетта, нухаш Iокхувсаш бола водителаш ба, цу тIа белгалбаьннараш. Цудухьа, уж бехктокхаме озара а, иштта царна бокъонах доагIаш дола гIод тохара а беш ба из болх», — аьлар «Сердало» газетага, Назрань администраце пресс-служба.
Назрана администраци тешаш я, цу тайпара, нувхаш Iокхувсаш бола нах бехктокхаме озаро, таро хулийтаргья дIахо йодача хана, уж массехк нийсача наькъа тIа баха а, иштта Назрань — шахьара куц-сибат тоаде а, цига лостам бе а таро хургхиларах.
