«КIира кхозза Iомадергда из гIулакх. Оаха хержа денош да кхаьра, ера, пIаьраска. Берашта дуккха пайдане дола хIамаш Iомадергдола моттиг я ер», — дийцар культболхлоша. Белгалде деза, тха тIоададеш, тайп-тайпара хIамаш е йиш йолга. Масала, маьчеш, барзкъаш, тIормигаш, кIувсаш, иштта гIалкхаш, кулонаш, заколкаш, браслеташ.

Из болх дукха къахьегам, сабар эшаш ба. Цунга хьежжа, къаьстта из гIулакх Iомаде цига водар сатемах, сабарах визза хила веза. Тамашийна из хоза гIулакх Iомаде мел ловраш, шоаш болча дIабехаш ба культуран цIен къахьегамхой.