Этногрофеца дувзаденнача исторе книжкаш вIашагIтехад
В Ингушетии планомерно формируют книжный фонд этнографического музея истории народа. В этой связи администрация МО «Городской округ город Магас» объявила о проведении городской акции «Подари книгу этнографическому музею истории ингушского народа, сообщили газете «Сердало» в пресс-службе столичной мэрии.
«Цу гIулакха керттера декхар да, вай къаман нахá шоай истори дикагIа довзийтар, из Iомадеш, шоай кхетам лакхбеш дIабаха ловрашта гIо-новкъостал дар», — йоах хоамо.
Цу беркатеча болама юкъе дакъа лаца бех бархI шерал тIехбаьнна мел бола мехкахой. Этнографически музея ганз вIашагIйолла лерхI исбахьален, Iилман-даьржа долча, энциклопедически, исторически книжкаех. ЛертIача хьале дола газеташ а эш фонда.
Къаман истори дувцаш бола моллагIа кепайоазон болх бала йиш я цунна совгIата. Цкъа дIаденнар, кхы юхаэцаш дац. Укх бетта 2-ча дийнахьа дIадоладаь из беркате гIулакх, укх шера Iан хьалхарча бетта 31-ча денга кхаччалца дIахьош хургда.
Хоам бу, совгIата деннача книжка тIа из хьачуденначун цIи, тайпан цIи, болх-моттиг дIаязъяь хургья, аьнна. Геттара дика из болх хьаллаьцарашта грамоташ, совгIаташ дала лерхI.
