ГIалгIайчен сурташ доахача «боангаша» ворхI борцакха вахар гойт
В Ингушетии фотоловушки расскажут о жизни семьи барсуков, которые, после известного зимнего отдыха, активно начинают новый этап своей лесной жизни, информировали газету «Сердало» в природоохранном ведомстве республики.
«Наьсарен чарахьий даькъ тIарча кулгалхочунна ЦIечой Хьасана сурто хьагойт, хьунагIа яхача ворхI борцакха вахар. ХIанз эггара лоархIамегIа йола ха я цар, наб еш йола ха йистеяьнна хиларах. Iодиллача кIиво а хьажкIаша а таро хулийтаргья цар вахарга а хIама яарга а хьажарал совгIа, уж дика дегIайоалае а», — йоах ГIалгIай Республикан Iалама Министерствон телеграм-канале болча хоамо.
Говзанчаша яхачох, дийнаташ Iеш йола моттиг дукхача хана денз уж чуIеш я, тIахьожам лоаттабеш хиларах, гуш да из. Цунна тешал ду йиънахьа гIолла уж араювлаш хиларо, лаьттан кIал массехк кхы а моттиг цар яьккха хилар хьагойт цо.
Тамашийна дувцар кхы а дIахо хьоргда. ЦIаькха дувцача хана, Iалам дезарий таро хургья сурташ доахача «боангаша» хьатIалаьцар го.
