«БIарчча лекци йийшаяр оаха берашта, цу ша тIа дувлар чIоагIа кхераме да, яхаш, бакъда ма дарра из хIама кхетадеш доацача бераша из теркалдац», — йоах цу Iама гаьна йоацаш уллача ишколе болх беча хьехархочо. Юхе гIолла тIехбувлача нахага саготдайт, ша тIа дувлаш, кхераме ловзараш леладеча бераша.

ХIара шера шахьара мэре болхлоша шоай низ кхоачар ду, наькъашка ша бужаргбоацаш гIум тувсаш, еррига моттигаш цIенъеш, Iан хана лораваларах йола лекцеш ешаш. Наьсарерча Iама гонахьа карт я, бакъда дIааьннар дIаэцаш доацача бераша, цох тIехтувсалуш, ша тIа даьле, ловзараш леладу.

«Ша цхьайолча моттигашкара баша болабеннаб. ВIалла а кхерам яха хIама дег чу доацаш, цу тIагIолла уд кIаьнкаш. Из унзара гIулакх цхьан тайпара соцаде деза! Боккъал а шоай бераш мичахьа лел хьажа, царна духьалдаха арадовла», — йоах Наьсарерча яхархочо.