Хин гIулакх тоаде лерхI
В летний период власти республики активизировали работы по решению проблем водоснабжения муниципальных образований РИ. В Ингушетии планируют закупить новые погружные насосы. Об этом в режиме видеоконференцсвязи Главу РИ Махмуда-Али Калиматова информировал министр энергетики и ЖКХ Ахмет Лолохоев, сообщили газете «Сердало» в пресс-службе руководителя региона.
Ахчан гIулакхах йолча министерствоца дувцаш латт оаха из карарча хана. Насосаш хьакхоачаш йола ха, ши кIира да. Из гIулакх дувцаш дола каьхат дахьийтад оаха республикерча паччахьалкхенна хьалхалаттачунга», — белгалдир Лоалахой Ахьмада. Ахкан денош хьаоттарца, эггара чIоагIагIа хий доацаш хала хьувзарех ба Пхьилекъонгий-Юртара бахархой. Из гIулакх тоаде, аьнна, Буро кIалхара керда ишкол ягIача доазон тIа гIув яккха лаьрхIад. Пхьилекъонгий-Юрта латтача бешкашка хий Iочуахийта аьттув хургба цу гIув чура. Из болх чакхбаккха 5,5 млн ахча эш тахан. Ахчанцара кхоачам хинна баьлча, кхо бутт балалехь, из болх чакхбаьккха хургба, Дала аьннадале. ГIув хьаергйола доазув а къоастадаь латт тахан, хьалхара балхаш дIадоладаьд.
«Тахан латтача хана, хий доацаш вахар чIоагIа харцахьа, хала да. Хий дIа ца кхоачача наьха халонаш дика йовзаш ва со, цунга хьежжа, ма хулла дикагIа чакхдаккха гIерт тхо из гIулакх.
Хин турбаш, дукхагIйолча моттигашкара тишъенна, шоаш дуаргдар диа яьнна я. Ше-ший аргIагIа, тоадеш дIаваха веза из гIулакх», — белгалдир вай Мехкадас. Цу гIулакха болча говзанчаша яхачох, хицара хьал тоалургдар Аьлтий-Юрта, Эса тIа хий хьатела моттигаш йича. Аьлти-Юртара хьалъе езача хий цIендеча станце мах 750,2 млн сомага кхоач. «ЦIена хий» яхача федеральни проекта юкъедахад из гIулакх. Иштта кхыйолча моттигашка а дIабахьа беза цу тайпара болх. ТIой-Юрт-Долакха-Юрт яха хий хьатела моттиг тоае лерхI, 14 артезиански бурош теха. Хицара гIулакх тоаде гIерташ, республике балхаш дIакхухьа дикка ха я.
