Экологе проект вIашагIъеллаяр Экажкъонгий-юрта хина йисте бахача наха, машена наькъашка, юрта лоархIамерча объекташка цIаьхха Iаьржа хий дена моттиг хилча из чухьедаргдоацаш. Цунах даргдолча зуламах цига баха нах лорабара.

Хина йистош тоаяра а, цIеняра а балхах дIадоладаьдар 2019 федеральни бюджетах деча новкъосталца. Из дар «Хинабоахама комплекс дегIайоалаяра» йолча подпрограммах, иштта «Гонахьара Iалам лорадара» яхача ГIалгIайчен паччахьалкхен программа. Из болх ший ханнахьа а лерттIа кхоачашбаь а хила безаш бар 2021 шера.

Хоам бу, хина йистошка уж нийсъеш а, тоаеш а дукха балхаш дIадихьа хиларах, гонахьара хьатIаяьнна баьцовгIаш дIайоахаш, хина кIийле кIоаргъеш дола балхаш даьд цига.

Цо таро хулийтаргъя доккхий догIаш дийлха моттиг хинна бахача наха хий чухьеде цунах 460 саг иштта 96 цIа гонахьа хьлъяь гIишлош а тIехь кIалхьара ваккха, цул совгIа цига да цхьа машений тIий, кхоъ нах тIагIолла лела тIий, цхьа социальни, шиъ экономика объекташ.

Моттигерча Iалама министерство яхачох 2019-2020 шерашка даь балхаш да 2,419 км дIоахал йолаш, хIаьта 2021 шера уж даьд 13 км.

Мероприяти дIайихьар «ЛоархIамеча хина моттигаш лораяр», иштта «Экология» яха проекташка оттадаьча декхарах.