Цунах дийцар, ГIалгIай Республика Правительства Председатела, Сластенин Владимира совещане, из дIахьош яр буача кхачана маьхаш тIатохаргдоацаш аьнна гулбаьча муницапальни даькъа тIара а, иштта цу хьакъехьа болча говзанчаша а дакъа лоацаш.

Цо ладара латт аьлар, маьхаш лакхдергдоацаш беш бола болх.

ГIалгIай Республика промышленноста а цифровой а дегIайоалаяра министра декхараш кхоачашдеш вола Дорджиев Бадма яхачох, цаталхаш, дукха ядаш йола буача кхачана продукташ хьалхарча аргIах маьха лакхъенний, уж наха дукхагIа дIаийеш хилар бахьан долаш. ДукхагIча даькъе уж я СКФО регионашкара а, иштта мехкашкара а хьачукхухьаш йола кхачана продукташ.

Белгалдаьд, хIанз укх сахьте, ца хилча яргйоца продукци цхьан кIирагара, 32 денга кхаччалца йолаш я.

Дорджиев Бадма оптови предприятешка гIолла, ГIалгIай Республика МВД, ГIалгIай Республика ФАС болхлой цхьана, чакхбала беза аьлар маьхашка хьожаш.

Региона министрий кабинета кулгалхочо декхар тIадиллар, республика районашка, шахьарашка, юрташка тIахьожам лоаттабергбола тоабаш вIашагIйохка аьнна.

Иштта бокъо елар, тайп-тайпарча паччахьалкхен структурашта, оптови базашка, маьхашцара хьал довзаш бола болх дIабахьара.

Цул совгIа, цу юкъе дакъалоацаш хургболча предпринимателашта арахьара кхачана продукташ хьачуяхьаш машенах дIадахар, кхыдола хинна зе, субсидешца меттаоттадергда аьлар. Республике кхачана продукташ лоаттаяьрашта субсидеш, гранташ лургья аьлар.

ГIалгIай Республика Кулгалхочо Келиматанаькъан Махьмуд-Iаьлас тIахьийхар предпринимателаш кхачана продукташта маьхаш лакх ца дара.

Иштта ГIалгIай Республика премьер-министра белгалдир республике дIахьош йола юртбоахама ярмаркаш дукхагIа хила еза аьнна, маьхаш тIа ма тоха аьнна.