Хьалхара шу дац, тоае езаш йола объекташ белгалъяра кхадж тассара болх дIахьош бола укх портале, za. gorodsreda. ru.

Из «Формирование комфортной городской среды» яха федеральни проект маьхалйоаккхаш деш да, иштта цу чу йоагIаш я, «Жилье и городская среда» яха къаман проект. Кхадж тассара бахьан да, наха фу хетт хар, вай гражданашта хетар юкъедоаладара.

ХIара шера, цу тайпара мероприятеш дIаяхьара, доккха новкъостал ду волонтераша. Цар республика бахархошта хьалхадоаккх тоае лерхIаш йола объекташ малагIаш я, цига регистраци яра шоашкара новкъостал ду.

Республика правительстве лаьрхIар волонтерий болх белгалбе. Селхан доккхача лерхIаме денца, уж даькъалбийцар, баркал оалаш ГIалгIай Республика Кулгалхочо грамоташ яларца, иштта ГIалгIай Республика Правительства а шоашкара а грамоташ яларца, цу юкъе шоай дакъа лаьцар, грамоташ луш, ГIалгIайчен гIишлон Министерства. Цига мероприяти дIахьош дакъалоацаш хилар: ГIалгIай Республика Правительства Председатель Фаттахов Тимур, ГIалгIай Республика гIишлон министра гIонча Иленаькъан Мувса.

«Аз баркал оал кхадж тоссаш дакъа мел лаьцачунна, цу гIулакхаца хьашт долаш мел хинначунна.

Тешаш ва со дIахо а вай Даьхен вахаре кхы а дукхагIа нах дакъалоацаш хургхиларах, хIаьта оаха тхоай аргIагIа, ГIалгIайче кхы а хозагIа тоаялара, тхоашта могар дергда», — аьлар Фаттахов Тимура.