ГIалгIайче «Победа» яха Ретропоезд кхачарга хьежаш ба
В Ингушетии ожидают прибытие Ретропоезда «Победа» 25 апреля. В Назрани, куда прибудет железнодорожный состав, состоится театрализованное представление «Перекрестки военных дорог — перекрестки военных судеб».
Республика бахархошта а, иштта вайцига боагIача хьаьшашта а лаьрхIа «Успех», «Донское сияние» яхача ансамблей кхоллама коллективаш хургья наьха самукъадоаккхаш, салоIама программаш гойташ. Артисташа гойтаргба 1941-1945 шерашца дувзаденнача, тIема шерий дагалоаттам. Укхаза хаза таро хургья, цхьаккха бе-башха доацаш вутаргвоацаш йола, тIема шерашкара ашараш.
Хьажархой таро хургья «Победа» яха Ретропоезд кхоачача хана, тIема гIа боккхаш йолча ашарий оазаш хаза, иштта хозаргда Совинформбюрос тIом йистебаьнна хилар хьакхейкадеш дола дешаш.
Цу мероприяте къамаьлде лерхI, ГIалгIай Республика Кулгалхочо Келматанаькъан Махьмуд-Iаьлас, иштта Къилбаседа-Кавказа цIерамашена наькъа кулгалхочо Задорин Александра Сергея.
ГIалгIайченна бахархоша, из цIихеза йола акци бIаргаяйнараша, россе берригача бахархоша санна, «Победа» яхача Ретропоезда доакъашхой бIаргабайнараша мах оттабергба, вай мехка дахача дукхача къамий халкъа Сийлахь- Даймехка тIем тIа котало яккхара.
ЦIихеза цIермашена лоаттам ГIалгIайче кхачара, духьала гIоргба: тайп-тайпарча боахамий викалаш, дешархой, волонтераш, кагийбарий организацеш. Цар кийчдаьд, цу денна лаьрхIа, Даьхе лораеш байнарий «Бесмертный полк» оалача боламе хургдола наьха сурташ, иштта кхыйола кийчо а яьй «Победа» яхача Ретропоезда лерттIа накъабахара.
