Теша лов, базархоша цIаьхха урагIдихьа маьхаш юхаметтаотаргхилах. Вай мехка шекар тоаргдолаш дац, яха къамаьл, шийна тIехьа бух боацаш, духхьал наха из дукхагIа дIаийдергдолаш арадаьккха дар. Шекар мехка шортта долаш да! ХIаьта, мах массе хана кIеззига айлуш хиннаб цун, ахкан замах — наха варенеш, компоташ еча хана.

Таханарча дийнахьа, вай республика складашка 50 кийла йола шекар гали 3800-3900 сомах эца йиш я, бакъда, базар тIа цу галех 4500 сом дехаш латт дохкараш. Из деррига кIалдихьа да, кийла шекарах 90-95 сом дехаш латтар. Цу гIулакха бехктокхаме болча наха, тIахьожам боацаш дутаргдолаш дац из гIулакх! Шоашкара маьхаш айдеш, шоай хьаштдар хьадеш латтарий хьал, нийсача даккха деза!

Специалисташа баьча тохкамах, Россе, шера 6 миллион тонн шекар дуъ. Белгалде деза, шекар хьадаккхара гIулакх Россе дуккха лакхагIа латталга. Масала, 2019 шера 7,3 миллион тонн шекар хьадаьккхар вай мехка.

Ший ханнахьа из мерза даар тикашка лоаттадаро меттаоттадергда, наха юкъе даьржа, бух боаца къамаьл.