ГIалгIайче, дагабохарца сий дир, Назрань-шахьара РОВД теракт яьча хана, бейнача наха
В Ингушетии почтили память граждан, погибших при совершении теракта в РОВД города Назрани. В этот день начиненная взрывчаткой автомашина марки «Газель», протаранив ворота, въехала во двор ГОВД и РОВД, где проходило построение личного состава.
Цу дийнахьа, лелхаш долча герзах йиза «Газель» оала машина коанаIараш йохаеш чулаьлла ГОВД, РОВД коа сецар, цу хана шоай Iуйрийнарча построенех эттабар лични состава болхлой.
ГIалгIайчен Кулгалхочо Келматанаькъан Махьмуд-Iаьлас аьлар, 2009 шера аьтинга бетта вурийтталагIча дийнахьа, хиннар ГIалгIайчен таьзета ди да аьнна.
Из, Назрань-шахьара РОВД эккхийтарах бейнача наьха дагалоаттама ди да. Цо кодам бийцар бейнарий дезалашка, аьнна хоам бу «Сердало» газетага, республика кулгалхочун пресс-служба.
«Районни чурча гIулакха отдела болхлоех шоаш построенех эттача хана цхьаннена а дагадацар, массехк минот яьлча иштта чIоагIа эккхар а хинна шоашта юкъера ишттала нах боабергба, аьнна. Теракт еш 25 саг велар. 136 сага човнаш а хилар.
Уж дар хала шераш, полицейскешта доацача бахьанах тIакхувдаш, бандформироване чубоагIаш хиннача доакъашхоша наьха вахар дIакхухьаш», — аьлар Келматанаькъан Махьмуд-Iаьлас.
ГIалгIайчен Кулгалхочо аьлар, гIалгIай къаман денал а майрал а дола къонгаш бахьан долаш, республикера хьал телхаде таро хиланзар моастагIчунна-террориста.
«Тахан вай паргIата дахаш хилар, — из хьалхарча аргIах цар хьинарах да. Уж вай турпалхой ба» , — аьлар Келматанаькъан Махьмуд-Iаьлас.
