Цунах дийцар хьалхарча вице-премьера декхараш кхоачашдеш волча,

Iалама ресурсай, экологе министра Йовлой Мувсас, предприяте ше вахача хана цу юртарча бахархошца къамаьл деш.
Цо яхачох, из завод болх бе дIайолаяла езаш яр аьтинга беттаI9 — ча денна, бакъда, цун отходаш цIенъяра бола гIирс йисте ца баьлча из хIанз, маца дIайолалургья хац. Цул тIехьагIа лаьрххIа экспертиза а яьккха гонахьарча доазонна цо зе деш ца хилар дIа а чIоагIдаь мара завод болх бе йолалургьяц.

Вице — премьер цига ваха хилар, завода кулгалхоша юкъе дита кхоачамбоацараш бахьан долаш.

ХьалхагIа, паччахьалкхен инспектораш баха хилар Iаьлий-Юрта, хIана аьлча, юртхой латкъаш бар, Интернете гIолла, экологически хьалаш во хиларах новкъостал дехаш.

Говзанчаша-экологаша белгалдир, заводо бIеха хиш канализационни турбашка гIолла дIаухийташ хилар а из гонахьарча лаьтта тIа дусаш хилар а.

Цу тайпара, социальни мазашка гIолла дIа-юха баьржа хинна хоам бакъхилар, бIеха отходаш хи чу нийслу, цул совгIа феца дIа-юха ярж, лаьтта а юс, хIана аьлча, заводо арахеца юхакъасташ йола бIехал цIенъеш оборудовани кийчъяь ца хиларах.

Хоам бу, цу дерригне, кIала гIирсаш деш йола завод административни бехктокхаме озаргхиларах.