Из болх хIанзолца хинначул дикагIа тоабе лерхI, хьатIабоагIача бетта 1-гIа ди кхачалехьа ерригача Россе кагирхой экологически балхах дола кердадараш гойта аьнна соцам баьча РФ президента Путин Владимира новкъосталца. Къонача натуралистий оагIув хьаллаца беза аьнна, хьоахадир Президента ши бутт хьалха.

Субъекташкарча кулгалхоша из дош дувцаргда ше аьнна чIоагIо йир Путин Владимира. Мехка кабмина тIадилар цо «Дешар» яхача обществе гIолла дешархой экологически кхетам лакхбергбараш юкъе доаладе аьнна. Таханарча дийнахьа вай мехка къонача натуралистий болх боацаш, тайп-тайпарча наькъашка гIолла къахьег хьуна, хин, Iалама ресурсаш лораяра тIехьа, нувхаш, кхыйола бIеха хIамаш цу гIулакха къоастаяьча моттигашка мара дIакхувсаргйоацаш. Цу беркатеча гIулакха юкъе дакъа лаца арабоал дешархой, студенташ. Цхьайолча моттигашка бIарчча дезал цхьана овт из дика гIулакх хьаллаца.

Цу къахьегама керттера декхар да республика къонача бахархошта бера хана денз Дала хьакхелла гонахьара Iалам, дийна мел дар лакхача лерхIамца лорадеш леладе дезалгах дIакхетабар.