ГӀалгӀай къаман
юкъара газет

Дицлургдоацача денах бола дагалоацам

Для Республики Ингушетия 22 июня — день тяжелых воспоминаний, обращения к периодам сложных испытаний, которые пришлось пережить в давний и современный периоды. В этот день, в 1941 году фашисты вероломно напали на нашу страну, неся смерть, боль и страдания миллионам мирных людей.

«Цу хана, дукха вай къаман нах Даьхе лорае, моастагIа вохаве тIем тIа ихар. Дуккхабараш лийгар Ленинграда, Москван, Сталинграда, Ростова, Берлина, кхыча гIалай а моттигий а тIема аренашка, дукха денал дола къонгаш шоай мехках кхийтанзар», — дувц историкаша шоай балхаш тIа. Дуккха шераш цул тIехьагIа даьлча, 2004 шера цу дийнахьа террористаш яхача бIехача наха доккха туржаI оттадир ГIалгIайче. Аьтинга бетта 21-22 деной бус 100 совгIа Iаьдала болхло велар. Ма дукха ноаной, истий, бераш шоай воI, да, цIен-да воацаш бисар!

«МоастагIех республика лораеш лаьтта нах бар уж берригаш. Даьхе лораеш хаьдар цар вахар. Ха дIаяхаяле а, дега човнаш-м ерзац, селхан хилча санна, хала долаш, латт из ди наьха дегашка. Цу сийдолча наьха цIераш вайна цIаккха а йицлургьяц, цар цу дийнахьа хьекха майрал, хам баь варгвоацаш я», — белгалдир мехкадас Келаматанаькъан Махьмуд-Iаьлас ший телеграм-канале. МоастагIаша шоашта доагIа таIазар дIаийцар. ТIехьагIа, уж гучабоахаш бола болх дIакхихьар республике. Вай дерригача къаман хала ха яр из! Цу хана, Даьхе лораеш латташ, вахар хаьдараш дагалувц вай тахан, цар хьабена турпала никъ вай дегашта бицлургбац!

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде