Цу тайпара болх дIабахьарах гуш хилар кхоачамбоацараш юкъедита хилар балха тIехь. Царех ба массала: Шолжера ГБДОУ " Березка" яха № 8 йола берий беш, Шолжера ГБДОУ «Радуга детства» яха № 7 йола берий беш, иштта ГIажарий-юрта ГБДОУ " Мир чудес" яха № 2 йола берий беш. Цига гучадаьхар федеральни законо дIадехар телхадеш йола моттигаш, аьнна хоам бу «Сердало» газетага ГIалгIай Республике гIолла йолча Прокуратуре.

Хоам бу Интернет — сайташка закон телха а деш цига доацаш хилар: масса бер да хара бола хоам, хьехаш бола мотт малагIа ба, кхетамбалара болх дIабахьара йола лицензи, кхетамбалара балха эшаш йола материально-технически Iалашо, хьехархой малагIа дешар дийша ба хара бола хоам, боахаме дIадодача ахчан план, локальни нормативни акташ, берий бешамашка чурча лостамах йола план, коллективни договор, берий даьшкара — ноаношкара хьадехаш долча ахчан боарамах дола каьхат (боккъонцахьа бола викалаш), бераш леладара а тIехьа хьажара а.

Шолжерча прокуратуро дIабихьача балха гучадаьнна кхоачамбоацараш юстарадахара дош белгалдаьд.