ГӀалгӀай къаман
юкъара газет

Ишколашка бераш меца леларгдац

В Ингушетии, по инициативе Главы республики Махмуда-Али Калиматова, расширяют список школьников, которых обеспечат горячей едой, информировали газету «Сердало» в пресс-службе Главы РИ.

«ДIадахача шера оттадаьдар хьалхарча йиъ классашка дешаш долча берашта дIайха даар лоаттаде аьнна. Кхувш доагIача бера дегIа ший ханнахьа унахцIена дола даар эш.

Вай дицде йиш яц могашал эшаенна дола бераш. Уж къаьстта чIоагIа теркал де декхарал да вай. Цу мугIарерча цхьадолча бераша ишколе хьааха йиш йоацаш цIагIа деш. Дале а, из бахьан дац уж юхакъоастабе.

Къаьстта цу дешархошта дикагIа дола даар лоаттаде деза вай. Дешарани Iилмани гIулакхах йолча министерства тIадиллад 5-ча, 11-ча классашка дешаш долча берашта бIайха буъа кхача лоаттабергболаш каьхаташ кийчде аьнна. Таханарча дийнахьа дIаболабаь дIахьош ба из болх», — язду ший Телеграм-канале Мехкдас Келматнаькъан Махьмуд-Iаьлас. Иштта, республика кулгалхочо теркаме лаьцар могашал эшаенна хиларах лораша ший къаьстта диет лелае оттадаь бераш.

Къаьстта чIоагIа теркал де деза диабет яха лазар долаш шекар доаца даар эшаш дола бераш. Цу мугIарерча берашта лаьрхIа хIара столове диетически истол хила деза. «Мобилизовать даьча наьха бераш юкъе лаца лерхI цу спискашта. Цу дешархошта а хургба ишколашка бIайха буъа кхача», — теркалдир Мехкдас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде