ГIалгIайче, пхорч деттара спорт дегIайоалаеш я
Об этом сообщается на странице спортивного учреждения в Инстаграм.
«Шуца, тхоашта хинна дикахетар, декъа доахк тхо. Кастлуш, Дьякова цIерагIча стадионе, безам болчунна, таро хургья пневматически топаца пхорч деттарах шийна фу карагIдоал ха», — йоах йоазон тIа.
Цу урхален кулгалхоша из лоархI, «Готов к труду и обороне» яха, Ерригроссе физкультурно-спортивни комплекса цхьа дакъа дегIадоаладарца, из дувзаденна да аьнна. Вайна ма хара, цу юкъе доагIаш да топ тоха Iомавалар а.
Спорта боахамерча кулгалхоша яхачох, Шолжа-пхье «Дьякова цIерагIа Стадион» МКУ спорт дегIайоалаяра боккхаш бола, хьалхара гIа ба из.
Укх деношка, стадиона кулгалхо, Оздой Ингисхан ше хьажар еррига топаш малагIча хьале я. Цо яхачох, уж ерригаш а балха юкъе яха мегаргйолаш я.
Герз кхувса спорт, из цаI, къаьнарча спорта оагIув ба. Из хьадоладеннад Iадсаькх тувсарца дувзаденнача спортагара.
Цул совгIа, топаца а тепчаца а пхорч деттача яхьашка диллача, хIанзарча ханарча Олимпийски ловзарий къаьнарча яхьех цаI я из. Уж, эггара хьалха, юкъеяьхаяр 1896 шера, хьалхарча Олимпийски ловзарашка. Из цIаьхха даь а дацар. Олимпийски ловзарашта юкъе, пхорч деттара йола программа юкъе яккха дагадехар Кубертен де Пьер вар, из ше вар тепчаца пхорч деттара йолча яхьай, Ференгий мехка (Франция) ворхIаза чемпион.
