ГIалгIайче электроэнергех йола тариф хургъя 2025 шерага кхаччалца
Госдума приняла закон, который переносит на 2025 год начало перехода к рыночному ценообразованию на электроэнергию на Северном Кавказе и других территориях Российской Федерации, сообщили газете «Сердало» в пресс-службе Правительства региона.
«ГIалгIайче, Къарший-Черсий, ГIаьбартой-Балкхаре, Дагестане, Къилбаседа-ХIирийче, Нохчашкахьа дIахо хьоргъя электроэнерги йоагаярах йола тIахьожам лоаттабеш оала тариф», йоах хьабайтача хоама тIа.
Говзанчаша яхачох, цу маьхаш цхьаннахьа латтаро таро хулийтаргъя физически, юридически оагIорахьарча наха шоай керттера декхараш лерттIа кхоачашде.
Из иштта дикача оагIорахьа Iаткъаш хургда зIамига а йоккха предпринимательство лелаерашта а иштта сервиса, хьалий балха а.
Электрически энерги арахецараш декхарийла ба 2031 шера цхьоалагIа январь бутт кхачалехьа цу регионашца барт чIоагIбе электроэнерги лоаттаяра.
Говзанчаша яхачо цар терко тIайохийтар да йоагаеча электроэнергена ГIалгIайче а кхыча регионашка а 2025 шера цхьоалагIча январе кхоачаш электроэнерги эцара дакъа тIахьожаме хилар.
Иштта цар лерхI из мах лаьгIлургба аьнна: 2025 шера — 90%, 2026 шера — 75%, 2027 шера — 60%, 2028 шера — 45%, 2029 шера — 30%, 2030 шера -15% -га кхоачаш.
