Вай мехка птицекомплекса тӀабода никъ тоабергба
23.08.2023 12:13
Юрташкарча моттигий хьал тоадарах йолча паччахьалкхен программага гӀолла, тоабе лерхӀ 16 705 км бола «Южни» оалача коара оалхазараш леладеча комплекса тӀабода никъ.
Таханарча дийнахьа, 9 км никъ тоабаь баьннаб болхлой. Асфальта никъ Ӏобиллача доазон тӀа наькъашкара гӀирмаш (хьаракаш) увттаеш, белгалонаш еш боахк болхлой. «Из никъ эггара хьалхарча аргӀагӀа тоабе безарех бар, хӀана аьлча лоархӀамера юртбоахама моттиг я из тӀабодаш яр.
Ший хила безача боарама хьал долаш хила еза къаьстта из моттиг», — дийцар машеннаькъий гӀулакхах йолча министерствон кулгал деча Хаматханаькъан Батыра.
2024-ча шера йистебаккха безаш ба из болх, проектага диллача. Белгалде деза, тахан санна къахьегаш болхой дӀаболхе, оттаяьча ханал хьалха из йистебаргхилар.
