ГӀалгӀай къаман
юкъара газет

Кердадараш

ГIалгIайче тIахьожам боацача дийнаташцара дош къоастадергда

В Ингушетии муниципальные власти на местах решают очень сложную проблему безнадзорных животных. Так, администрация города Карабулака договорилась с Фондом помощи бездомным животным о проведении на территории города совместной работы по отлову и стерилизации безнадзорных собак, информировали газету «Сердало» в пресс-службе мэрии.

«ТIахьожам боацаш лелаш дола акха жIалеш оалаш дола уж дийнаташ массаза а хиннад наьха теркама юкъе, Илдарха-ГIалий тIа меттел, уж-м массанахьа а долаш да, къаьстта бераш кхераду цар, кхыметтел боккхийбараш а унзарбоал царех. Цхьайолча хана, дагадоацаш, тIадеддача жIале берашта царгаш тохаш а нийсденнад.

Эггара халагIдар да, царна топ тоха йиш йоацилга, из могадаьдац. ДикагIдар да, уж хьа а лаьца, чудохкар, бакъда гIалгIайче уж лаьрххIа чудехкаш йола моттиг кхы а хьаяьяц. Из дош а къоастадергдолаш да карарча хана, кхыметтел оаха лаьтта а хьожаде лаьрхIадар цу гIулакха.

ДIаболабаьча балхо толамаш гойтар, дIахо из болх лерттIа дIабахьара лаьрххIа ахча а моттиг а эш», — йоах хоамо.

ПхийттлагIа шу да, мехка гIолла дийнаташца мишта хила веза хьалхадоаккхаш дола закон арадаьнна. Цо бокъо луц уж дIакховса е, тхьовсадаь, доаде, царех лета. Нагахьа санна жIали геттара могаш деце мара, из, тхьовсадаь, де йиш йолаш дац.

Законо яхачох, белггала йола бокъонаш я: «Хьа а лаьца, царна кхы дахкаргдоацаш маха тоха е вакцина е, юха ше хиннача дIахеца».

Нагахьа санна из иштта деце, уж жIалеш шоаш дийна мел да лаьрххIа йолча моттиге чудахка дезаш да. ЖIали хьалаьцача, «Безаме цIа Инг» оалача дика гIулакхаш деча фонда коммерчески оагIоно яхачох, 12 500 сом мах ба цхьан жIалена оттабаьр, цу юкъе НДС а долаш: хьалоацачунна 2000 сом мах лу, маха тохара — 5000 сом, вакцинаци ерг — 3000 сом. Муниципальни бюджете цу тайпара ахча дац.

Белгалдоаккх, Илдарха-ГIалан администраце ГIалгIай Минфинага, Ветуправленега цу гIулакха эшаш дола хьалаш хьакхолла, аьнна, кхайкарал даь хиларах, дIахойодача хана уж жIалеш хьалийца чудохка йиш хургйолаш. Цу деша кхы а жоп денадац.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде