Тахан из тоадара тIехьа, федеральни реестр кхоллара тIехьа болх дIахьу РФ. Премьер-министр волча Мишустин Михаила яхачох, реестр хилча из хьал дикагIча оагIорахьа хувцалургда. «ХIара моттиг ший къаьстта тIахьожам беш я.

Царна юкъе я дарбанчеш, поликлиникаш, берий бешамаш, иштта кхыйола лоархIаме гIишлош. Уж моттигаш сихагIа йисте яьнна болх бе йолаяларга хьежаш ба нах», — аьлар Мишустина.

ДIаьхача шерашка йисте яьнна ца йоалача проекташка шоай деррига ахча дIадахийтача наха, боккха бохами халои я из. Масала, вай республикерча цхьан строительни кхуврча генеральни кулгалхочо, 19,5 млн ахчах Iехабаьб бахархой.

Хила езаш хинна квартираш наха дIаеннаяц, цул совгIа, е ахча а юха кхаьчадац нахага. 2021-ча шера из тийшаболх тохкаш бар Iаьдала болхлой. 2020-ча шера дIайолаяьча сайца латтача гIишлошка хьожаш рейд дIайихьар Назранерча мэре.

Таханарча дийнахьа, иштта латта гIишлош цу пхье дукха я. Дуккхача гIатех дола цIенош да уж, Iаьдал цу белха юкъе хIама де дезаш дац лаьттан чIегилг дIаяларал совгIа. Пхьерча хьакимаша техкадар хIара гIишлон гIулакх, тийшаболх лелабеча застройщико мелла нах Iехабаьб хара духьа.

ДIадахача шера юхасеца латтача гIишлоех 34 дIахо тоайир. Правительство оттаяьча комиссе дIабихьача белхах болх, дIахо ца бодаш латта гIишлош кIезигагIа хиннай. Таханарча дийнахьа, 2000-ча шера денза, болх дIахо ца бодаш латташ 183 гIишло я. 2021-ча шера дIабихьача белхах 5 млрд латта 34 объект йисте яьккхар.

ДIадахача шера, иштта, дIабихьача белха юкъе дарбанчеш, ишколаш яр. Правительства комиссен тIадиллар, ма хулла, сихагIа уж гIишлош йистеяргьйола болх дIахьо аьнна.