ГIалгIайче, тхана продукци маьхалъяккхара дола хаттар кхоачашдеш да
Махмуд-Али Калиматов посетил цех по переработке овечьей шерсти, построенный в сельском поселении Южное Малгобекского района на базе ГУПа «Зори Кавказа», который заработал в тестовом режиме и выдал первую продукцию, подлежащую технологической обработке, информировали газету «Сердало» в пресс-службе Главы РИ.
«Цу проекто таро хулийтаргья, шоай доалахьа жа леладерашта а, иштта кхыча наха а балха моттигаш Iалашъе.
Царна, хIанзчул тIехьагIа, кхы дагадалла дезаргдац, шоаш ларгача же тIара Iодаьккха тха мича хьоргда хьо-гI яхаш. ХIанз цар таро хургья из тха цехе дIачу а денна, цунах шоашта ахча эца. Укхаза массанена пайда хул цунах», — аьлар ГIалгIайчен кулгалхочо.
Цу предприятена массаза а бийдал лоаттаергья паччахьалкхен унитарни предприятеша-ахархой-фермерий боахамаша. Из маьхалъяккха таро хургья, цар шоай доалахьара хьайбаш бахьан долаш.
«Зори Кавказа» яхача боахамо дог гIоздаьккхар Махьмуд-Iаьла шоаш баьча балха толамех, чуийца ялат дика хилар цига.
КIа, хIара гектара тIара, 40 центнер хиннад, Iана кIала бувш бола мукх — 45 центнер, гектара тIара.
Иштта, Кулгалхо ваха хилар вурийтта саго къахьегача «Алханчуртский» ГУП. Укхаза дукхагIа дIадийнар ка бола ялат да. Цо дIалоац 1300 гектар.
Цу боахама кулгалхочо яхачох, ара этта йIовхал а йокъал а чIоагIа яле а, боахама зе хиннад ала йиш йолаш дац. «Зори Кавказа» гулбаь кем а мукх а, карарча шера, 42, 41 центнер хIара гектара тIара хилар.
