ГӀалгӀайче халкъан Iадаташ лораду
В рамках Года культурного наследия народов России и Всероссийского межведомственного культурно-образовательного проекта «Культура для школьников» на сцене Дома культуры сельского поселения Троицкого показали обряд ингушского шуточного сватовства «Зоахалол». Подготовил и провел это красочное мероприятие творческий коллектив Сунженского РДК во главе с Айшат Матиевой.
Из кийч а даь, дIадихьар Шолжерча РДК кхоллама коллектив яр, шоашта кертте Матенаькъан Iашат а йолаш.
«Бегаш бара тIехьа дIахьош долча зоахалоло таро хилийтар, халкъа меттацара говзал йовза а, цун чулоацам мел кIоарга ба ха а, хIаьта из, ший тайпара йола хьаькъала ишкола яр.
Цига къамаьлдеш хиннарий бокъо яр, моллагIча къаман багахбувцамца е оаламашца, кIоанолгашца, бегашца, фаьлгашца — метта хозал гойта», — аьнна яздаьдар «Сердало» газета тIа массехк шу хьалха.
Из деррига го йиш йолаш хилар, цига дакъалаца хьамел венар: хьаьший, хьажархой, доакъашхой. Иштта, цига дакъалоацаш вар — ГIалгIай Республика культура министра гIонча Йовлой Илез, Республика халкъа кхоллама ЦIен кулгалхо Эсмарзанаькъан Iалаудин, РДНТ художественни кулгалхо Абдурзаканаькъан Аьсет, Шолжа района депутатий совета кулгалхо Iалбаканаькъан Хаваж, Шолжа района администраце социальни отдела кулгалхо ГIулой ИбрахIам, юкъарлонна боккхагIа бараш, викалаш.
Цига дика дакъалаьцар Эбарга-Юртарча №3 йолча ишкола дешархоша, шоашта кертте гIалгIай метта хьехархо Хоаной Iийса а волаш, Шолжа района пожарно-спасательни колледжа юкъарлонна болхлочо Галай Хьасана, иштта, кхыбараша а.
Кхетаче йистейоалаш халкъа кхоллама ЦIен кулгалхочо, Эсмарзанаькъан Iалаудина, Матенаькъан Iайшета баркал аьлар доакъашхошта, ГIалгIай Республика Правительства кулгалхочун, Сластенин В. В. цIерагIа.
