«Назранерча хьайбашта хулаш долча лазарашца къовсам лоаттабара йолча станце, Назранерча аграрни техникума 4-ча курсе деша багIача студенташа диплома хьалхара еш йола практика дIахьош я.

Практически дешара керттера декхар да: студенташта хIанзарча ханара технологеш йовзийтар, уж лелае Iомабар, цунца цхьана хьайбашта дарба де хар, цул совгIа, хIанзарча ханара хьалаш леладар, хьайбашкара хьайоаккха продукци дикал йолаш хилийтар, иштта из санитарни, противоэпизоотически оагIорахьа кхерамзленна Iалашо йолаш хилийтара, ветеринарни гIулакх леладара йола методаш царна йовзийтара», — аьлар «Сердало» газетага ГIалгIай Республика Ветеринарни урхален пресс-служба.

Ветеринарни урхален говзанча яхачох, практика дIаяхьар чIоагIа лоархIаме да ветеринарни лораш кийчбеча. Из дIахьоча хана, шоай говзал совйоаккх дешархоша.