«Студенташа хоза цIай кийчдеш латт, цу юкъейоагIаш да театрага хьажар, ашараш, халхараш, яхьаш, иштта берашта лургда кердача шерара совгIаташ а мерза хIамаш а.

ЦIай дIадахьа лерхI Наьсарен шахьаре, Магистральни урамах I. Хьадийхача берашта юкъе хургда, амал де эскаре бахарий а иштта Украине дIахьош йолча лаьрххIача операце дакъа лоацаш болча бIухой а бераш», — йох хоамо.

Керда шу, эггара чIоагIагIа бераша сатувса цIай да, студенташа кийчдаь цIай, цар дог хьоасташ, хургда аьнна хет.

«Кердача шера корсам кийчъяра, геттара а бехктокхаме болаш къахьийгад студенташа, из цIай дика дIадахьа дезаш да», — аьлар ГIалгIайчен къонабарий гIулакхех йолча комитета керттерча болхлочо Галай Назира.