Хоам бу хьаьшашта лаьрхIа дукха безам тIабохийташ йола мероприятеш дIахьоргхиларах, цу юкъе Ляжгерча водопада тIа а бугаргба мах боацаш, эггара хозагIча моттиге гIолла тIабодаш ба из никъ. Иштта тайп-тайпара мастер-классаш, конкурсаш дIахьоргъя. Безам бараш таро йолаш хургба Iадсаькх тоха, ходулешца лела. Цул совгIа берашца баьхкача туристашта лаьрххIа бола салоIам хургба. Цул совгIа цар йиш хургъя «маугли» яхача мушагI яьча парке баха, канатни наькъ тIа хоахкале. Из деррига а мах боацаш хургда. «Брест» яхача даькъ тIарча клубе пейнтбола турнира доакъашхой а хила таро хургъя, цунах хоам бир «Сердало» газетага укх деношка.

Туристашта а иштта хьаьшашта а гургба гIалгIай эстрада иллеш алархой, къаман кхоллама коллективаш. Халкъа халхар дезачарна лаьрхIа локхаш лезгинка а хургъя, цунах къаьстта мастер-класс дIахьоргъя.

Лоамарча курорте дIахьоргйолча мероприяте дакъа лоацаш 500 саг хургва. Туристашта кхерамзлен Iалашо ергъя МЧС, МВД болхлоша, иштта ФСБ доазон тIарча урхалено. Цул совгIа лорий сихача новкъостала машен, РоспотребтIахьожама болхлой а ха деш хургба.