Зуламхо гучаяьккхар полице болхлочо
Хьалха Ӏаьдало шозза суд яь хинна зуламхо гучаяьккхар вай мехкарча полице болхлочо. «Шолжа кхалерча МВД болхлошка латкъа енача кхалсага дийцар; дӀадахача шера Ӏан тӀеххьарча бетта; Шолжа-Шахьарерча Свердлова оалача ураме йоаллача тика чура; цун йовзаш йоацача кхалсага, къамаьлаца из шийх тешаяь, Ӏехаяь; тиканна дикка зе даьд, аьнна.
Хозача хабарца нах Ӏехабеш, шийна дезар Ӏалашде Ӏемача кхалсага тика чура йихьай дото хӀамаш, дуфи, тӀормиг, барзкъаш. Деррига дӀалаьрхӀача, 55 эзари 500 соми зе да цо тика даьна даьр. Ахча хьалургда аьнна дӀаяха зуламхо яйна дӀаяьннай», — йоах тхогарча хоамо.
Сиха оарцагӀбаьннача МВД болхлоша зуламхо хьалехар. Хьалха шозза суд яь йолча цунна, масал хиннадац ше леладаьчох. Ӏаьдала болхлоша Ӏочуйигача, цо ший бехк дӀатӀаийцар. Цун гӀулакх дӀахо тохкаш латт. Нах Ӏехабеш, ший вахар тоаде яьллачунга; дикка ха хургья ше лелабеча зуламеча наькъа уйла е.
