ГӀалгӀай къаман
юкъара газет

50 сагагара 195 млн сом лочкъадар гучадаьннад

Следственным управлением МВД по Республике Ингушетия завершено производство уголовного дела по обвинению местного жителя 1970 г. р. в совершении преступления, предусмотренного ч. 4 ст. 159 УК РФ, информировали газету «Сердало» в правоохранительном ведомстве республики.

«Хьалххе а дӀабихьача тохкама балха юкъе гучадаьлар,2013-ча шера, Санкт-Петербурге д1аязъяьча хоадам боллаш бехктокхам болча юкъарлоно (общество с ограниченной ответственностью) хьаденна генеральни доверенность шийга хиларах, Наьсарен шахьаре дуккхаза вӀашт1ара даь диъ цӀа хьалде цо лаьрхӀа хилар. Уж хьалде дезаш дар цу цӀеной хургболча даьша шоай ахчан дакъа юкъехьош», — йоах хьабайтача хоамо.

Белгалдаккха деза, зуламхочо, реклама лелаеш, цу юкъе эшаш дола бокъо луш, барт баь хилар гойташ дола каьхаташ а доацаш, дукхагӀбола нах цӀенош хьалдеш дакъа лоацарашта юкъебихьа хилар. Цагара ахча хьатӀаихад цунна.

Иштта, тешам байнача зуламхочо, ше деш дар бокъонах да, аьнна, хетийтара; арендах лаьтта а ийца, болх дӀаболабир, ахчаш хьатӀадайтача наха квитанцеш дӀа а телаш.

Бакъда 2016 шера денз, из саг цӀенош хьалдеш хиннавац, техника а е болхлой а гӀишлон даькъ тӀа боацаш ба. Цул тӀехьагӀа зуламхочо цхьа иттех саг Ӏехаваьв, царгара цӀенна дакъа оттара доагӀа ахчаш хьа а ийдеш.

ТӀеххьара договор цу нахаца цо оттадаьд 2020 шера, хьалйолаяь гӀишло сеца кхо шу даьнначул тӀехьагӀа.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде