Дешара хьал тоадара тIехьа дикка къахьег
Сенатор РФ Мухарбек Барахоев принял участие в заседании коллегии Министерства образования и науки Ингушетии по итогам деятельности ведомства за 2022 год.
«Таханара ишкол» яхача проектага гIолла, дIадахача шера республике хьалъяь яьлар 11000 бера лаьрхIа 16 ишколи, 2000 бер чуэца таро йола 9 берий беши.
Дешара гIулакха йола къаман проекташ, дикка толамаш доахаш, болх дIахьош я.
Иштта лакхача боараме оттабе боагIа, ишколаш тоаеш къахьегаш йолча партийни проектах республике дIахьош латта болх а.
«Ишколашка берашта бIайха кхача лоаттабара гIулакх а, цхьан кога тIа даьккха, нийсдаьд вай», — хоам бу ший телеграм-канале гIолла БIарахой Мухарбика.
«Хьехархой массахана шоай говзал лакхъеш хила беза. Къаьстта вай къаман истори хьехачар теркалде деза из хIама. Берашта нийса кхетам балар, дикагIдолча хIаман тIехьа уж ураоттабар да тахан керттердар», — белгалдир сенатора.
Министерствос дIаяхьа лерхI хьехархошта юкъе яхьаш, говзанча-классаш, конференцеш, иштта кхыдола пайдане г1улакхаш.
