«Нувхаш дIайоахаш лелача лаьрххIача болхлоша Iуйре дIайолаю уж дIаяхарца. Уж моттигаш лаьрххIа йолча кег-мег йолча, даарца ювзаеннача нувхашта лаьрхIа яр, бакъда цига бахача наха, шахьара юкъегIолла чакхйоалача Кхоартой Дж. цIерагIча, Победы оалача урамашка, эхь-бехк ца хеташ, шоай мел йола нувхаш хьаараувттаю.

Цу хьакъехьа хIанз болх беш я администраце комисси, цар оттаяьй 80 сага бехк беш дола каьхаташ, ялх сага гIод а техад. Иштта, сурташ а даьха, уж тIадолаш йола материалаш а кийчъяьй, цу тIа белгалбу бокъонаш телхаераш, уж дIачубеннаб бокъонаш лораеча моттигашка», — аьлар «Сердало» газетага шахьара администрацерча кепайоазонца бувзам лоаттабераша.

"Республикан массайолча миIингашкара бахархой дIахо а шоай нувхаш хьаараувттаеш ба. Цудухьа цу гIулакха тIахьожам лоаттабелга тIадиллад, цох бехктокхаме хургволча цхьан сага.

Цо, ший аргIах, шахьара кулгалхочунна хьалхашка Iодохкаргда, цу тIехьа шоаш даьха толамаш гойта каьхаташ.