ТIой-Юрта хьалъеш латт, бIаь саг чуэца лаьрхIа больница гIишло
В рамках программы «Модернизация первичного звена здравоохранения» продолжается строительство Кантышевской участковой больницы, начатое в 2021 году. В настоящее время объект готов, по словам замминистра здравоохранения республики Хяди Угурчиевой, на 60%.
«Из объект хьалъе йолаяьяр къаьнара больница воча хьалашка хилар бахьан долаш.
Массехк лор вагIар цхьан кабинете нах тIаийбеш. Палаташ кIезига яр, йолаш яр а тIехъяьнна хьалъйизаяр. Стационара, больница гIишло чIоагIа къаьна яр, уж хьалъяьй 50 шерашка, дIаяхача бIаьшере. Из хьалъяь хиннай вай къам мехкагIа даьккхачул тIехьагIа обшежитена лаьрхIа керда бахархой цу чу Iергболаш. Нах юха мехка баьнначул тIехьагIа цунах хьаяьй лорий урхале.
Цудухьа керда хьалъеш йола объект лорий болхлошта чIоагIа накъаяргъя, хIана аьлча таханарча денна цар терко лоаттаю кхаь юртарча — ТIой-Юрта, Долакха-Юрта, ГIейрбика-Юрта бахархошта, унахошта квалифицированни лорий новкъостал дара укх объекто дикка моттиг дIалоацаргъя», — аьлар унахцIенон министра гIонча йолча Угурчанаькъан Хаьде.
Керда хьалъеш йолча дарбанче 100 саг хиллала нах тIаэцаш хургба цхьан сменах, 38 кабинет а хургъя, 60 маьнги оттабеш моттиг а хургъя, иштта 20 палата, 25 санузел лаьрхIай цу чу.
