«Кхетаче дIахьоча юкъа дувца оттадаьдар шахьара бахархоша шоай цIенош а лаьтта а бокъонах хила деззача бесса хьатIаяздарах лаьца.

Дукха ха йоаццаш «за каналом» оалача моттиге дIайихьача рейдови мероприятеша хьагойтар, шоай цIенош а лаьтта а доаггIача бесса хьатIаяздаь нах, чIоагIа кIезига болга. Цо таро халийтац шоаш йоаяьча электроэнергех а, иштта кхыдолча Iаьдала хьалех а йоагIаш йола налог дIачуяла. Цу тайпара налог дIачуялара болх, латта безача боарам тIа латташ ца хилча, федеральни целевой программа юкъе ваха таро хилац», — аьлар «Сердало» газетага, шахьара администраце пресс-служба.

Шахьара кулгалхочо белгалдир, шоай доалахьара боахам е лаьтта дIачIоагIдар дехаш хьатIавенача сага, администраце оагIорахьа, эшаш дола новкъостал хилийта деза аьнна.