«СурхотIарча культура ЦIагIа дIадихьар «Наькъа болама бокъонаш лерхIаме я» яха тематически сахьат. Из хетадаь дар Госавтоинспекце цIайна.

Мероприяти дIахьош цига вийхавар моттигера участкови, УУП лейтенант Осканаькъан Руслан.

Кхетаче цо дийцар берашта наькъа болама бокъонех лаьца, наькъаш тIа ягIача знакашта малагIа терко е еза, гIашлой дехьа балийтара ха дезаш дар малагIа да, светофор йоагаш хилча, наькъа дехьа валара малагIа сердал белгалъе еза, кхы дIахо а ханза даргдоацар хьалхадоакхаш бола болх дIабихьар берашца.

Бераша дукха шоашта пайдане дола хIама хьаийцар цу юкъера, царна ца ховш хинна моттигаш къаьгга йовза таро хилар цу мероприяте, цхьайола наькъа болама бокъонаш вIалла а берашта ца йовзаш а яр, уж массехк дикагIа чулоацаш дар цига даь къамаьл», — аьлар Назрановски района администраце пресс-служба.

Белгалде дезаш да, боккхий барий керттера декхар да-уж дIакхетаргболчча оагIорахьа берашта наькъа болама бокъонаш йовзийтар, уж лораеш ца хилча цунах доала зе малагIа да хьалхадаккхар.