ГӀалгӀайче «Беркут-Юг» ОМОН ветеранаша дакъалаьцар дагалоаттама акце
В администрации города Назрани состоялся вечер памяти, посвященный 30-летию образования ОМОН «Беркут-Юг» Управления Росгвардии по Республике Ингушетия, информировали газету «Сердало» в федеральном органе исполнительной власти.
Кхетаче дӀахьош дакъалаьцар тоаба ветеранаша, шахьара кулгалхочо Йовлой Урусхана, Наьсарен шахьара совета кулгалхочо Бохтарнаькъан Юсапа, гӀалгӀай ОМОНа хьалхарча командира Сукинаькъан Мухьмад-Гире, иштта шоай служебни декхар кхоачашдеш бейнарий гаргарча наха«, — йоах хьабайтача хоамо.
Доакъашхоша, дог тохадолийташ долча къамаьлашца хьохабир шоашта уллув лаьтта шоай балха новкъостий, иштта дийцар шоай урхалле вӀашагӀйоллача хана юххьанцахь хиннача халонех, цун исторех.
«Хьалхарча аргӀах из вӀашагӀйоллаш новкъостал деш лаьттараш вай республикан бахархой бар, масса оагӀорахьа цар га хьаллоацаш хилар уж. Атта йоацача ханашка бӀухоша дӀагойтар наха шоашта тӀадилла декхар кхоачашдара шоаш мел кийча ба», — аьлар Сукенаькъан Мухьмад-Гире.
Кхетаче дӀахьош бейнача бӀухой гаргалча наха юкъарлонна совгӀаташ делар, отряд вӀашагӀйоллаш цар дакъа юкъедарах.
Белгалдаккха деза, хӀанз салоӀаш болча ветеранаша Даьхенцара безам совбаккхара бола болх кердача ноахала бовзийташ, шоай балха говзал царца екъаш, хӀанзарча бӀухошта, хьалха болх баьча турпалхоех дувцаш бола болх дӀахьо каст-кастта.
