«Прокуратура дIабихьача тохкама белхах, никъ тоабе къоастадаь ахча диарашта духьала, гIулакх хьадийлад. 2018-ча шера Эбарг-Юртарча администрацен болхлоша, цу гIулакха болча кхуврчаца, цхьа барт баьбар, Батумская оалаш йолча ураме, асфальта никъ булларгба аьнна.

Тахан латтача 2022 шера гуш да, массехк шу хьалха баьча соцамах даь цхьаккха хIама доацалга. Ма дарра аьлча, цхьаккха тайпара никъ цу ураме билабац. Латтача хьало хьагойт, вIалла хье ца луш, ахча диа Iохайшараш, наьха вахар, цхьа кIеззига мукъагIа, аттачахьа даккха лаьрхIа хиннабоацилга. Из гIулакх, иштта атта дусаргда аьлча бакъдац», — йоах пресс-служба ший хоаме.

Прокуратура тохкама болх дIахьош латт цу гIулакхах.