Ишколашкара спортзалаш тоае лерхI
В рамках регионального проекта «Успех каждого ребенка» национального проекта «Образование» в Ингушетии будут выполнены ремонтные работы в физкультурных залах средних общеобразовательных учреждений и установлены новые спортивные площадки, информировали газету «Сердало» в пресс-службе Главы РИ.
Юрташкарча, йоккха йоацача шахьарашкарча ишколашкара спортзалаш тоае еза, физкультурах ухаш долча берий ма хетта ха дIаяхьа йиш хургйолаш.
Укх шера тоаергья, Даьла къахетамца, Шолжа-Шахьарера дегIа могашал эшаеннача берашта лаьрхIа йолча ишколан-интернатера спортзал, Наьсарерча № 2, № 11 йолча ишколай спортзалаш, Шолжа-Шахьарерча № 3, № 7 йолча ишколашкара моттигаш. Наьсарерча ялх моттигера спортивни клубаш тоаяйта лерхI хьакимаша.
Цул совгIа, волейболаца, баскетболаца, жIакашца, гимнастикаца бувзам лелаберашта мел эшаш бола кхоачам эца лерхI цу программага гIолла. «Кхувш латтача берий могашал лораяр керттерчарех да тахан! Вай декхар, из иштта хургдолаш, мел эшар лоаттадар.
Спортаца бувзам лелабеча кагирхошта мел эшар Iалашде деза. Из гIулакх ма хетта дIадахийтара, къаман проекташ я вайцига болх беш», — белгалдир вай мехкадас Келаматанаькъан Махьмуд-Iаьлас.
Мехка бахархой спорта тIахьехаш, цунцара бувзам, безам чIоагIбе дагахьа кхелла «Спорт-вахара оагIув» яха программа я республике дIахьош.
Укх шера Шолжа-Шахьаре хьае лерхI кхозза вIаштIара яь, чухьнахьа бассейн бола ФОК. 2024 шу йистедоалаш, хьалъяь яла езарех я Буро кIалхара ФОК.
